सामग्री खोज्नुहोस्

टोकियो। आजबाट तय भएको जापानी प्रधानमन्त्री किसिदा फुमियोको मध्य एशिया र अन्य देशहरूको भ्रमण रद्द भएको छ।

जापानको मौसम विज्ञान एजेन्सीले अर्को ठूलो भूकम्पको खतरा रहेको भन्दै सावधानी अपनाउन आह्वान गरेकाले प्रधानमन्त्री किसिदा फुमियोले विदेश भ्रमण रद्द गरेको सरकारी संचार माध्यमहरुले जनाएका छन्।

जापानको मियाजाकी प्रिफेक्चरमा हिजो गएको भुकम्पको क्षेती बारेको जानकारी लिने र पुनर्निमार्णको काममा ध्यान केन्द्रित गर्न पर्ने भएकाले पनि भ्रमण रद्द गरिएको समाचारमा जनाइएको छ।

बिज्ञहरुले हिजोको भुकम्प पछि पनि अरु शक्तिशाली भुकम्प जान सक्ने चेतावनी दिएकाले सरकार त्यसको सामनाका लागि तयार रहनु पर्ने भएकाले प्रधानमन्त्री किसिदाको भ्रमण रद्द भएको एनएचकेले जनाएको छ।

किसादाले कजाकिस्तान, उज्वेकिस्तान र मंगोलियाको भ्रमण गर्ने र मध्य एसियाका पाँच राष्ट्रसँग शिखर बैठक र व्यक्तिगत शिखर बैठक गर्ने कार्यक्रम थियो।