Kyodai News

एजेन्सी । चीनको सिचुआन प्रान्तको काङ्गडिङ शहरमा आएको बाढी र पहिरोका कारण आठ जनाको मृत्यु भएको छ । अन्य १९ जना बेपत्ता भएका छन् ।

बाढीका कारण समुद्री सतहबाट एक हजार ३०० मिटरको उचाइमा अवस्थित उपत्यकामा रहेको एउटा पुलका साथै घरहरू क्षतिग्रस्त भएको स्थानीय अधिकारीहरूले बताएका छन् ।

अधिकारीका अनुसार प्रभावित क्षेत्र नजिकैका पहाड र समुद्र सतहबाट पाँच हजार मिटरभन्दा बढी उचाइमा समेत बाढी र पहिरोबाट छ जनाको मृत्यु हुनुका साथै ११ जना बेपत्ता भएका छन् ।

यसैगरी बाढीले पुल भत्काउँदा यातायात आवागमनसमेत प्रभावित भएको चिनियाँ समाचार संस्था सिन्ह्वाले जनाएको छ ।