Kyodai News

टोकियो । जापानमा जुलाईमा अधिकतम तापक्रम मापन गरिएको छ । १२६ वर्ष पहिले मौसम मापन शुरू भएदेखिको सबैभन्दा उच्च रहेको मौसम विभागले जनाएको छ ।

गत वर्ष जुलाईमा मापन गरिएको औसतभन्दा १.९१ डिग्री सेल्सियस बढी तापक्रमको रेकर्ड तोड्दै यस वर्ष देशको तापक्रम औसतभन्दा २.१६ डिग्री सेल्सियसले बढेको छ ।

जापान मौसम विज्ञान एजेन्सी (जेएमए)ले बिहीबार राष्ट्रव्यापी रूपमा तथ्याङ्क उल्लेखनीय रूपमा उच्च भएको उल्लेख गर्दै भनेको छ, ‘सन् १८९८ मा तथ्याङ्क शुरू भएदेखि मापन भएको यो सबैभन्दा उच्च तापक्रम हो ।’

जापानभरिका १५३ मौसम अवलोकन समीक्षामध्ये ६२ ले जुलाईमा आफ्नो औसत तापक्रमको रेकर्ड तोडेको हो ।

प्रशान्त महासागरको उच्च चाप र दक्षिणबाट आएको न्यानो हावा तापक्रम वृद्धि गर्ने मुख्य कारक रहेको जेएमएले बताएको छ ।