सामग्री खोज्नुहोस्

एजेन्सी । भारतको हिमाचल प्रदेशमा अत्यधिक वर्षापछिको बाढीमा परेर ५० जनाभन्दा बढी बेपत्ता भएका छन् ।

शिमला, मन्डी र कुल्लु जिल्लाका ५० जनाभन्दा बढी बेपत्ता भएका भएका हिमाचलका मुख्यमन्त्री सुखविन्दर सिंह सुक्कुले जानकारी दिए । उनका अनुसार उद्धार र राहत कार्य जारी छ ।

शिमलाको रामपुर तहसील, मन्डी जिल्लाको पधार तहसील र कुल्लुको जाओ, निर्मल गाउँमा वर्षाले निम्त्याएको विपद्पछि राष्ट्रिय विपद् व्यवस्थापन बल (एसडीआरएफ), राज्यस्तरीय विपद् व्यवस्थापन बल (एसडीआरएफ) प्रहरी, अग्नि नियन्त्रण सेवालगायतका टोलीहरू राहत तथा उद्धार कार्यमा संलग्न छन् ।

राहत र उद्धार कार्यका लागि स्थानीय प्रशासनलाई निर्देशन दिई निगरानी गरिरहेको र सम्भावित थप सहयोग गर्न प्रतिबद्ध रहेको मुख्यमन्त्री सिंहले सामाजिक सञ्जालमार्फत जारी एक सन्देशमा उल्लेख गरेका छन् ।

यसैगरी हिमाचल प्रदेशका राजस्व मन्त्री जगत सिंह नेगीले शिमलाको सामेज क्षेत्रमा ३६ जना र मन्डी जिल्लाको टिक्केन क्षेत्रमा आठ जना बेपत्ता भएको र दुई जनाको शव फेला परेको जनाएका छन् ।