Kyodai News

एजेन्सी । सुडानको दक्षिणपूर्वमा सुडानी सेना र अर्धसैनिक बलबीचको लडाइँबाट भाग्न खोज्ने करिब २५ जनाको मृत्यु भएको छ ।

‘दक्षिणपूर्वी राज्य सेन्नारमा ब्लु नाइल नदी पार गर्ने क्रममा डुङ्गा डुब्दा करिब २५ नागरिकको मृत्यु भएको छ, मृत्यु हुनेमा अधिकांश महिला र बालबालिका छन्’, स्थानीय प्रतिरोध समितिले विज्ञप्तिमा भनेको छ ।

गत वर्ष सेना र अर्धसैनिक र्‍पापिड फोर्स (आरएसएफ)बीच युद्ध शुरू भएपछि प्रजातन्त्र समर्थक प्रदर्शनहरू आयोजना गर्ने र अग्रपङ्क्तिमा सहायता समन्वय गर्ने सुडानभरका सयौं समितिमध्ये उक्त समिति एक थियो ।

सेन्नारमार्फत आरएसएफको भर्खरैको प्रगतिबाट भाग्दै गर्दा भएको दुर्घटनामा ‘सम्पूर्ण परिवारको मृत्यु भएको समितिले बताएको छ ।