सामग्री खोज्नुहोस्

टोकियो। आईसीसी टी- २० विश्वकपको आज भएको खेलमा क्यानाडालाइ अमेरिकाले ७ विकेटले पराजित गर्दै विजयी सुरुवाद गरेको छ।

१९५ रन लक्ष पछ्याएको अमेरिकाले ३ विकेट गुमाउदै १७. ४ ओभरमा लक्ष पुरा गर्र्यो। अमेरिकाको जीतका लागि एन्ड्रिस गोस र आरोन जोन्सले उत्कृष्ठ पारी खेले।

कुल ३७ बलको सामना गरेका जोन्सले ९४ रनमा अविजित रहे भने गोसले ४६ रनको सामना गर्दै ६५ रन बनाएका उनि निखिल दत्तको बलमा १५.५ ओभरमा क्याच आउट भए। चौंथो नम्बरमा ब्याटीङ्ग गर्न मैदान प्रवेश गरेका कोरे एण्डरसन ५ बलको सामना गर्दै ३ रनमा अविजित रहे।

यसअघि टस हारेर पहिला ब्याटिङ्गको निम्तो पाएको क्यानाडाले निर्धारित २० ओभरमा ५ विकेट गुमाउदै १९४ रनको योगफल बनाउन सफल भएको थियो।

क्यानाडाका लागि नवनीत धालीवाल र निकोलश किरतोनले अर्धशतकीय पारी खेलेका थिए। ४४ बलको सामना गरेका धालिवालले ६१ रन बनाए भने ३१ बलको सामाना गर्दै किरतोनले ५१ रनको योगदान गर्न सफल भए।

यसगरी एरोन जोनशनले २३, श्रेयस मोब्बाले ३२ रन जोड्न सफल भए।

बलिङतर्फ ४ ओभर बलिङ गर्दै अमेरिकाका अली खानले ४१ रन दिएर १ विकेट लिए । ४ ओभरनै बलिङ गरेका हरमीत सिंहले २७ रन खर्चिदैं अमेरिकाको १ विकेट झारे। कोरी एन्डरशनले ३ ओभर बलिङ गर्दै २९ रन दिएर १ विकेट लिए ।