सामग्री खोज्नुहोस्

टोकियो। जापान सरकारले व्यक्तिगत परिचय पत्रको रुपमा प्रयोग गर्दै आएको माइनम्बर कार्ड अर्को वर्ष देखि आइफोनमै ‘अट्याच’ गर्न मिल्ने भएको छ। जसले गर्दा प्रशासनिक क्षेत्र वा अस्पतालहरुमा व्यक्तिगत परिचयका लागि कार्ड बोकेर हिड्न पर्ने झनजट घट्ने छ।

अमेरिकन कम्पनी एप्पलले हिजो घोषणा गरेको नया योजना अनुसार अहिले क्रेडिट कार्ड वा सुइकाहरु ब्यबस्थापन गर्ने ‘वालेट’ मा माइनम्बर कार्ड पनि ‘इन्स्टल’ गर्न सकिनेछ।

त्यहि वालेटबाट आईफोन बायोमेट्रिक प्रमाणीकरण मार्फत व्यक्तिको पहिचान गर्न सकिने निक्केइ पत्रिकाले छापेको समाचारमा उल्लेख गरिएको छ। अहिले व्यक्तिगत गोपनियताका क्षेत्रमा काम भैरहेको एप्पललाइ उद्दृत गर्दै निक्केइले उल्लेख गरेको छ।

माइ नम्बर सम्बन्धी कानून संशोधन गरी आइफोनमा अट्याच गर्नका लागि माथिल्लो सदनको विशेष समितिले अनुमति दिएको पनि बताइएको छ। यसले गर्दा इन्टरनेट मार्फत बैंक खाता खोल्नको लागि स्मार्ट फोन बाटै सम्भव हुने पनि जनाइएको छ।