सामग्री खोज्नुहोस्

एजेन्सी । भारतीय लोकसभा निर्वाचनको ५८ संसदीय निर्वाचन क्षेत्रहरूको लागि छैठौं चरणमा गरिएको मतदानमा शनिबार साँझ ५ बजेसम्म ५७.७ प्रतिशत मतदान भएको छ ।

निर्वाचन आयोगका अनुसार पश्चिम बङ्गालमा सबैभन्दा बढी ७७.९९ प्रतिशत, झारखण्डमा ६१.४१, उत्तर प्रदेशमा ५२.०२, ओडिशामा ५९.६०, जम्मू कश्मीरमा ५१.३५, बिहारमा ५२.२४, हरियाणामा ५५.९३ र दिल्लीमा ५३.७३ प्रतिशत मतदाताले आफ्नो मताधिकार प्रयोग गरेका छन् ।

लोकसभा निर्वाचनको छैठौं चरणमा बिहारका आठ सिट, हरियाणाका सबै १० सिट, जम्मू कश्मीरको एक सिट, झारखण्डका चार, दिल्लीका सबै सात सिट, ओडिशाका छ सिट, उत्तर प्रदेशका १४ र पश्चिम बङ्गालका आठ सिट समावेश छन् ।

निर्वाचनमा कुल ८८९ उम्मेदवार मैदानमा छन् ।

आम निर्वाचनको पहिलो पाँच चरणमा २५ राज्य र केन्द्र शासित प्रदेशका लागि चार सय २८ संसदीय क्षेत्रहरूमा मतदान पूरा भइसकेको छ ।