सामग्री खोज्नुहोस्

एजेन्सी । इस्लामिक स्टेट (आइएस)ले सिरियाको मरुभूमिक्षेत्रमा दुई पटक आक्रमण गरेको छ ।

बिहीबार भएको आक्रमणबाट कम्तीमा २८ जनाको मृत्यु भएको सिरियाली मानवअधिकार अनुगमनकारी संस्थाले शुक्रबार जनाएको छ ।

‘सिरियन अब्जरभेटरी फर ह्युमन राइट्स’ले भनेको छ, “मध्य प्रान्त होम्सको पूर्वमा रहेको मरुभूमि क्षेत्रमा एउटा सैन्य बसलाई लक्षित गरी मध्यम र भारी मेशिनगनले आक्रमण गरिएको र आक्रमणमा सरकार समर्थक लडाकु ‘अल–कुद्स ब्रिगेड’का २२ जनाको मृत्यु भएको हो ।

पूर्वी सिरियाको अल–बुकामाल शहरको ग्रामीण इलाकामा रहेको सिरियाली सेनाको मुख्यालयमा इस्लामिक स्टेट (आइएस) लडाकू समूहले गरेको अर्को आक्रमणमा परी छ सिरियाली सैनिकको मृत्यु भएको सिन्ह्वाले जनाएको छ ।

सिरियाको मरुभूमिमा यस वर्षको शुरूदेखि अहिलेसम्म ३२९ जनाको मृत्यु भएको उक्त संस्थाले जनाएको छ ।