Kyodai News

एजेन्सी । दक्षिणी चिनियाँ टापु हेनान नजिकै एक साताअघि एउटा मालवाहक जहाज र माछा मार्ने डुङ्गा ठोक्किँदा ८ जनाको मृत्यु भएको छ ।

समाचार संख्था सिन्ह्वाका अनुसार पनामाको ध्वजाअन्तर्गत सञ्चालनमा रहेको एसआइटिसी दनाङ कन्टेनर जहाज अप्रिल ३ को मध्यरातलगत्तै माछा मार्ने डुङ्गासँग ठोक्किएको थियो । त्यसको असरले माछा मार्ने डुङ्गा डुबेको थियो र त्यसमा सवार आठ जना पानीमा खसेका थिए ।

बुधबार दिउँसो बेपत्ता सबै आठ जनाको शव बरामद गरिएको छ र धेरै जहाज र विमान सामेल भएको उद्धार कार्य समाप्त भएको छ ।

सरकारी प्रसारक सिसिटिभीले गत साता प्रकाशन गरेको तस्बिरमा दुर्घटना भएको स्थानमा एउटा उज्यालो सुन्तला रङको आपत्कालीन जीवन बेडालाई समुद्री क्षेत्रमा तैरिरहेको देखाइएको थियो ।

यद्यपि त्यहाँ कुनै पनि व्यक्तिलाई देखिएको थिएन ।