Kyodai News

बागलुङ । बागलुङको निसीखोलामा बस दुर्घटना हुँदा ८ जनाको मृत्यु भएको छ । अन्य २४ जना घाइते भएका छन् । घाइते भएका सबैलाई बुर्तिबाङ प्राथमिक स्वास्थ्य केन्द्रमा लगिएको छ ।

इलाका प्रहरी कार्यालय बुर्तिबाङका प्रमुख राजकुमार विकका अनुसार दुर्घटनामा मृत्यु हुनेमा ४ जना पुरुष र ४ महिला रहेका छन् ।

मृतकको सनाखत हुन नसकेको उनको भनाइ छ । रुकुम पूर्वबाट काठमाडौंका जाँदै गरेको बागमती प्रदेश ०१–००६ ख ३८७९ नम्बरको बस आज साँझ बागलुङको निसीखोला गाउँपालिका–६ स्थित जाउलेपानीमा दुर्घटना भएको थियो ।

घाइतेमध्ये २३ जनाको अवस्था गम्भीर रहेको जनाउँदै दुई जनाको अवस्था सामान्य रहेको प्रहरी निरीक्षक विकले जानकारी दिए ।

बस सडकबाट करिब तीन सय मिटर तल खसेको थियो ।