सामग्री खोज्नुहोस्

काठमाडौं । उदयपुर बोलेरो जीप दुर्घटना हुँदा ८ जनाको मृत्यु भएको छ ।

धरानबाट भोजपुरका लागि छुटेको जीप उदयपुरको बेलका नगरपालिका–७ मेनामैनीमा दुर्घटना हुँदा घटनास्थलमै ७ जना र थप १ जनाको धरानमा उपचारका क्रममा मृत्यु भएको प्रहरीले जनाएको छ ।

मृत्यु हुनेमा इटहरी ९ का चालक ४० वर्षीय मानबहादुर बस्नेत, भोजपुरको हतुवागढी गाउँपालिका २ का ७० वर्षीया पर्वतमाया राई, सोही वडाका २३ वर्षीय चन्द्रप्रकाश राई, ६ महिनाकी बालिका बिसाङ चाम्लिङ राई, हतुवागढी ५ की ३२ वर्षीया राजकुमारी राई, हतुवागढी–९ का ६८ वर्षीय पदमबहादुर थापा, ४५ वर्षीया कमला अधिकारी र हतुवागढी ५ का ४२ वर्षीय किशन राईको मृत्यु भएको प्रहरीले जनाएको छ ।

किशन राईको भने उपचारका क्रममा मृत्यु भएको हो ।

साथै दुर्घटनामा परी गम्भीर घाइते भएकालाई उद्धार गरी उपचारका लागि धरानस्थित बिपी कोइराला स्वास्थ्य विज्ञान प्रतिष्ठान पठाइएको छ ।

इलाका प्रहरी कार्यालय घोरेटारबाट सात जना र हसनपुरबाट पाँच जना गरी १२ जना प्रहरीको टोलीलाई तत्काल उद्धार गरेको थियो ।

धरानबाट भोजपुरका लागि छुटेको को १ ज २५९३ नम्बरको जीप बिहीबार बिहान १०ः३० बजेतिर उदयपुरमा दुर्घटना भएको थियो ।

जीपमा क्षमताभन्दा बढी यात्रु सवार रहेकाले दुर्घटना भएको प्रहरीको प्रारम्भिक अनुमान छ ।