सामग्री खोज्नुहोस्

टोकियो । जापानी अर्थतन्त्र अघिल्लो वर्षको तुलनामा शून्य दशमलव ४ प्रतिशतले बढेको छ । योसँगै जापानको अर्थतन्त्र मन्दीमा जानबाट जोगिएको छ ।

गएको महिना सार्वजनिक भएको प्रारम्भिक तथ्यांकले भने अर्थतन्त्र लगातार दोस्रो त्रैमासमा पनि खुम्चिएको देखाएको थियो ।

लगातार दुई त्रैमाससम्म अर्थतन्त्र खुम्चिनुलाई अर्थशास्त्रको भाषामा आर्थिक मन्दी भनिन्छ । तर पनि संशोधित तथ्यांक अर्थशास्त्रीहरूले अनुमान गरेको भन्दा चाँहि कम हो । संशोधित तथ्यांकले चौथो त्रैमासमा अर्थतन्त्र करिब १ प्रतिशतले बढेको देखाउन सक्ने अनुमान गरिएको बीबीसीले जनाएको छ ।

डिसेम्बर त्रैमासमा कम्पनीहरूले आ–आफ्नो व्यवसायमा गरेको लगानीको आकार उच्च रहेको गएको हप्ता अर्थ मन्त्रालयले प्रकाशित गरेको तथ्यांकले देखाएपछि अर्थतन्त्र मन्दीमा जानबाट जोगिएको आशा बढेको थियो ।