सामग्री खोज्नुहोस्

टोकियो। गैर आवासीय नेपाली संघ (NRNA) चिबा क्षेत्रीय समन्वय परिषद्को आयोजनामा वेबिनार कार्यक्रम हुनेभएको छ।

जापानमा बसोबास गरिरहेका नेपालीहरूलाई हालै परिमार्जन गरिएका विदेशी नागरिकसम्बन्धी नियम–कानुनबारे प्रत्यक्ष जानकारी गराउने उद्देश्यले यसै महिनाको २० तारिख वेबिनार आयोजना गर्न लागिएको हो।

जापानको कानुनी प्रणाली तथा आप्रवासी नीतिबारे राम्रो जानकारी राख्ने NRNA जापानको विशेषज्ञ समिति सदस्य जिज्ञानकुमार थापा प्रमुख बक्ताको रुपमा रहेको एनआरएनए चिबाले जानकारी दिएको छ।

थापाले उक्त कार्यक्रम मार्फत जापान सरकारले हालैका दिन लागु गरेका नया नियमहरू र यसले बिदेशीलाइ पार्न सक्ने सम्भावित प्रभावहरूका बारेमा जानकारी दिने आयोजकले जनाएको छ।

कार्यक्रम NRNA JAPAN CHIBA को फेसबुक पेजमार्फत बेलुका ७ बजे बाट प्रत्यक्ष प्रसारण गरिनेछ। जापानमा रहेका नेपालीहरूका लागि कानुनी जानकारी अत्यन्त महत्वपूर्ण हुने भएकाले यो कार्यक्रमले व्यावहारिक लाभ पुर्‍याउने अपेक्षा गरिएको समेत आयोजकले जनाएको छ।