सामग्री खोज्नुहोस्

टोकियो । जापानमा भालुको आक्रमणबाट १३ जनाको मृत्यु भएको छ ।

गत अप्रिलदेखि देशभर भालुको आक्रमणबाट १३ जनाको मृत्यु भएको रेकर्ड गरिएको छ भने भालुहरू घर भित्र प्रवेश गर्ने, विद्यालयहरू नजिकै घुम्ने र सुपरमार्केटहरूमा तोडफोड गर्ने घटनाहरू नियमित रूपमा भइरहेको रिपोर्ट गरिएको छ ।

गत शुक्रबार मात्रै पनि स्की रिसोर्टमा भालु देखा परेको बताइएको छ ।​ 

नागानो क्षेत्रको हकुबा ४७ माउन्टेन स्पोर्ट्स पार्ककी काजुया शिराकावालाई उद्धृत गर्दै एएफपीले आइतबार दुई वटा स्थानमा भालु देखिएको रिपोर्ट प्राप्त गरेदेखि हरेक दिन भालुहरूको खुट्टाको छाप छ कि छैन भनेर जाँच गर्न गस्ती गरिरहेको जनाएको छ ।

भालुहरू सामान्यतया जाडोमा सुरक्षित स्थानमा लुक्ने गरेकोमा यस महिनाको शुरूमा भने यस क्षेत्रमा एक व्यक्तिलाई आफ्नै घर नजिकै हिउँ सफा गर्दा आक्रमण गरेको जनाइएको छ ।

जापान सरकारले आक्रमणमा भएको वृद्धिलाई सामना गर्न थप सतर्कता अपनाइरहेको छ भने वैज्ञानिकहरूले घट्दो मानव जनसङ्ख्या र द्रुत गतिमा बढिरहेको भालुहरूको सङ्ख्याले आक्रमण बढी रहेको बताएका छन् ।