Kyodai News

टोकियो । दक्षिण-पश्चिमी जापानको एक बस्तीमा आगलागी हुँदा १७० घरभन्दा बढी घर पूर्ण रूपमा जलेका वा क्षतिग्रस्त भएका छन् ।

आगो निभाउने प्रयासमा बुधबार दिनभरि अग्निनियन्त्रक तथा आत्म–रक्षा फौजका हेलिकप्टरहरूले १७० भन्दा बढी मानिसलाई सुरक्षित स्थानमा सारेका छन् ।

जापानको फायर एन्ड डिजास्टर म्यानेजमेन्ट एजेन्सीका अनुसार ७० वर्ष उमेरका एक पुरुष बेपत्ता भएपछि उद्धार टोली थप सतर्कताका साथ खोजीकार्यमा जुटिरहेको जनाइएको छ ।

आगलागी मङ्गलबार साँझ ओइटा शहरको माछा मार्ने बन्दरगाह नजिकै शुरू भएको थियो ।

तीव्र हावाका कारण आगो तीव्र गतिमा फैलिँदै वरपरका घरहरू र नजिकको जङ्गलमा समेत पुगेको थियो ।

ओइटा दक्षिणी मुख्य टापु क्युशोमा अवस्थित शहर हो ।