सामग्री खोज्नुहोस्

एजेन्सी । थाइल्याण्डको सर्वोच्च अदालतले सोमबार जेलमा रहेका पूर्वप्रधानमन्त्री थाक्सिन सिनावात्रालाई आफ्नो टेलिकम कम्पनीको बिक्रीमा कर फिर्ता गर्न आदेश दिएको छ।

सन् २००६ मा थाक्सिनको कम्पनी शिन कर्पको सेयरको करमुक्त बिक्रीलाई लिएर विवादमा फसेपछि उनीमाथि भ्रष्टाचारको आरोप लागेको थियो ।

त्यसपछि उनलाई सेनाले ‘कु’ गरी प्रधानमन्त्रीबाट हटाएको थियो भने त्यसपछिको एक दशकभन्दा बढी उनी निर्वासनमा रहेका थिए ।

थाइल्याण्डका सबैभन्दा धनी व्यक्ति मध्येका एक ७६ वर्षीय राजनीतिज्ञ हाल आफ्नो कार्यकालमा लागेको भ्रष्टाचारको आरोपमा बैङ्ककमा जेल सजाय भोगिरहेका छन् ।

सोमबार सर्वोच्च अदालतले कर मुद्दामा पुनरावेदन अदालतको फैसलालाई खारेज गर्दै राजस्व विभागको आदेश पालना गर्न थाक्सिनलाई बाध्य पारेको अदालतका प्रवक्ता सुरियान होङभिलाईले एएफपीलाई बताए ।