Kyodai News

एजेन्सी । उत्तरपश्चिमी टर्कीको दिलोवासीस्थित एउटा अत्तर गोदाममा शनिबार आगलागी हुँदा छ जनाको मृत्यु हुनुका साथै एक जना घाइते भएका छन् ।

आगो अग्निशामक, उद्धार टोली र नगरपालिका कर्मचारीहरूको संयुक्त प्रयासमा नियन्त्रणमा लिएको इल्हामी अक्तासलाई उद्धृत गर्दै टीआरटी हाबेर मिडियाले जनाएको छ ।

टर्कीको एनटीभी च्यानलले प्रसारण गरेको तस्बिरमा उक्त अत्तर डिपोका रूपमा प्रयोग गरिएको भवनका दुई वटा तला आगलागीमा नष्ट भएको देखाइएको छ , आगलागीको कारण भने अझै पत्ता नलागेको जनाइएको छ ।

इस्तानबुलबाट करिब ७० किलोमिटरको दुरीमा अवस्थित, दिलोवासी एक औद्योगिक शहर हो जहाँ धेरै डिपो तथा कारखानाहरू सञ्चालनमा छन् ।