Kyodai News

अ

अ+

अ-

टोकियो । जापानकी प्रधानमन्त्री साने ताकाइचीले बदलिँदो भू–राजनीतिक अवस्था र बढ्दो आर्थिक जोखिमका कारण देशको आर्थिक सुरक्षा प्रवर्द्धन ऐन पुनरावलोकन गर्न मन्त्रिपरिषद्‌लाई निर्देशन दिएकी छिन् ।

शुक्रबार आयोजित आर्थिक सुरक्षा प्रवर्द्धन समितिको बैठकमा उनले भनिन्, ‘यो ऐन लागू भएको तीन वर्ष भइसकेको छ। यसबीचमा विश्व राजनीतिक र आर्थिक अवस्था अभूतपूर्व गतिमा र जटिलताका साथ परिवर्तन हुँदै आएको छ।’

प्रधानमन्त्री ताकाइचीका अनुसार द्वितीय विश्वयुद्धपछिको समयमा जापान अहिले सबैभन्दा चुनौतीपूर्ण र जटिल आर्थिक सुरक्षा अवस्थाको सामना गर्दैछ ।

उनले ऐनमा आवश्यक संशोधन गरी जापानको हित, उद्योग र राष्ट्रिय सुरक्षालाई सुदृढ बनाउने उद्देश्यले अध्ययन सुरु गर्न सम्बन्धित निकायलाई निर्देशन दिएकी छन् ।