सामग्री खोज्नुहोस्

टोकियो । जापानको उत्तरी प्रान्त होक्काइडोको पूर्वी क्षेत्रमा शनिबार बिहान सबेरै शक्तिशाली भूकम्प गएको छ। अधिकारीहरूले अझै थप कम्पन हुन सक्ने भन्दै सतर्क रहन आग्रह गरेका छन्।

जापान मौसम विज्ञान एजेन्सीका अनुसार भूकम्प स्थानीय समय अनुसार बिहान १:४० बजे होक्काइडोको नेमुरो प्रायद्वीपको दक्षिणपूर्वी किनारबाट करिब ४० किलोमिटर गहिराइमा गएको हो। यस भूकम्पपछि सुनामीको कुनै खतरा छैन।

५.८ म्याग्निच्यूडको उक्त भूकम्पले नेमुरो शहरमा जापानी भूकम्प मापन स्केलमा ‘तलको ५’ (पाँचौं उच्च स्तर) मापन गरेको थियो।

एजेन्सीले प्रभावित क्षेत्रमा रहेका जनतालाई आगामी एक सातासम्म ‘तलको ५’ सम्मका थप कम्पन हुन सक्ने भन्दै सावधान रहन आग्रह गरेको छ।

एजेन्सीका अनुसार होक्काइडोको दक्षिणपूर्वी किनार नजिक समुद्री प्लेट भूमिगत प्लेटमुनि धकेलिँदै जाने स्थानमा यो भूकम्प गएको हो।

यसअघि बुधबार पनि नजिकै ५.१ म्याग्निच्यूडको अर्को भूकम्प गएको थियो, जसले होक्काइडोका केही क्षेत्रमा ४ मापन गरेको थियो ।