सामग्री खोज्नुहोस्

काठमाडौं । रुकुम पश्चिमको बाँफिकोट गाउँपालिका–७ लिस्नेस्थित भित्री सडकखण्डमा जीप दुर्घटना हुँदा ७ जनाको मृत्यु भएको छ ।

शुक्रबार जिल्ला सदरमुकाम खलङ्गाबाट आठबीसकोट नगरपालिका–२ स्यालाखदी जाँदै गर्दा रा १ ज ४२२ नम्बरको जीप दुर्घटनामा अन्य १० जना घाइते भएका जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरिप्रसाद पुनले जानकारी दिए ।

उनका अनुसार मृत्यु हुनेमा आठबीसकोट नगरपालिका–२ स्यालाका ३० वर्षीया कमला वली, सोही स्थानका १६ वर्षीय टेकजङ्ग बुढा, १५ वर्षीया दिलमाया बुढा, १७ वर्षीया मनिका वली, १८ वर्षीया शर्मिला विक, २२ वर्षीय गोपाल वली छन् । थप एक जनाको पहिचान नखुलेको सूचना अधिकारी पुनले जानकारी दिए ।

घाइतेलाई उद्धार गरी जिल्ला अस्पताल सल्ले ल्याइएको छ ।

जीप सडकदेखि ७०० मिटर तल पुगेको थियो ।