सामग्री खोज्नुहोस्

एजेन्सी । लिबरल डेमोक्रेटिक पार्टी (एलडीपी)की पहिलो महिला अध्यक्ष सनेई तकाइची जापानको प्रधानमन्त्री नियुक्त भएकी छिन् ।

जापानको पुरुष–प्रधान राजनीतिमा दुर्लभ रूपमा शीर्ष स्थानमा पुगेकी ६४ वर्षीया ताकाइची देशको पहिलो महिला प्रधानमन्त्री बनेकी हुन् ।

उनी पूर्वप्रधानमन्त्री सिन्जो आबेका नजिकका सहयोगी र उनकै रूढिवादी दृष्टिकोणकी दृढ समर्थक हुन् ।

साथै, उनले पूर्वबेलायती प्रधानमन्त्री मार्गरेट थ्याचरलाई आफ्नो प्रेरणाका रूपमा सम्मान गर्दै आएकी छिन् ।

चीन र कोरियाले विवादास्पद मानेको यासुकुनी मन्दिरमा नियमित रूपमा दर्शन गर्न जाने ताकाइचीलाई ‘चिनियाँ बाज’ भनेर पनि चिनिन्छ ।

यो मन्दिर जापानको द्वितीय विश्वयुद्धकालीन आक्रमणको प्रतीक मानिँदै आएको छ ।

जापान अझै लैङ्गिक समानताका सूचकाङ्कमा पछाडि रहेको अवस्थामा ताकाइचीले प्रधानमन्त्री पदका लागि चुनावी अभियानका क्रममा यस विषयमा धेरै चर्चा गरेकी थिइनन् ।

तर, पार्टीको अध्यक्षमा निर्वाचित भएपछि उनले भनेकी थिइन्, ‘अब एलडीपीको पहिलो महिला अध्यक्ष भएपछि यसको रूपरेखा केही परिवर्तन हुनेछ ।’

सन् १९९३ मा आफ्नै गृहनगर नारा प्रान्तबाट संसद्‌मा निर्वाचित भएकी ताकाइचीले त्यसयता आर्थिक सुरक्षा, आन्तरिक मामिला र लैङ्गिक समानता मन्त्रालयका जिम्मेवारी बहन गर्दै आएकी छिन् ।

यद्यपि, उनको कूटनीतिक अनुभव सीमित रहेको बताइन्छ ।