सामग्री खोज्नुहोस्

काठमाडौं । सरकारले जापानसहित विभिन्न ११ देशका राजदूतलाई फिर्ता बोलाउने निर्णय गरेको छ ।

बिहीबारको मन्त्रिपरिषद् बैठकले राजनीतिक नियुक्त भएका राजदूतहरूलाई फिर्ता बोलाउने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री जगदीश खरेलले जानकारी दिए ।

उनका अनुसार सरकारले जापान, चीन, जर्मनी, इजरायल, कतार, मलेसिया, रुस, साउदी अरब, स्पेन, अमेरिका र बेलायतका राजदूत फिर्ता बोलाउने निर्णय भएको हो ।

फिर्ता बोलाइएका राजदूतहरूलाई कात्तिक २० भित्र नेपाल फर्कन भनिएको छ ।

सरकारले दुर्गाबहादुर सुवेदी- जापान, कृष्णप्रसाद ओली- चीन, शैल रुपाखेती- जर्मनी, धनप्रसाद पण्डित- इजरायल, ​नेत्रप्रसाद तिमिल्सिना- मलेसिया, ​रमेशचन्द्र पौडेल- कतार, जंगबहादुर चौहान- रुस, नरेशविक्रम ढकाल- साउदी अरब, सनिल नेपाल- स्पेन, लोकदर्शन रेग्मी- अमेरिका र चन्द्रकुमार घिमिरे- बेलायत छन् ।