सामग्री खोज्नुहोस्

एजेन्सी । पाकिस्तान र अफगानिस्तानबीच बुधबार ४८ घण्टे युद्धविरामका लागि सहमति भएको छ।

नयाँ चरणको सीमा भिडन्तमा दर्जनौं सेना र सर्वसाधारणको मृत्यु भए उनीहरूबीच युद्धविरामका लागि सहमति भएको अधिकारीहरूले बताएका छन् ।

काबुल र अफगानिस्तानका अन्य स्थानमा भएको विस्फोटपछि दुई छिमेकीबीच एक हप्तासम्म जारी हिंसालाई रोक्ने प्रयासस्वरूप अस्थायी युद्धविरामको घोषणा गरिएको हो ।

तालिबान सरकारले प्रतिशोधको रूपमा आफ्नो दक्षिणी सीमाका केही भागहरूमा आक्रमण सुरु गरेपछि इस्लामाबादले कडा प्रतिक्रिया जनाएको थियो ।

इस्लामावादले अफगानिस्तानमाथि पाकिस्तानी तालिवान (टीटीपी)को नेतृत्वमा रहेको लडाकू समूहलाई आफ्नो भूमिमा आश्रय दिएको आरोप लगाएको छ।

अफगानिस्तानको राजधानी काबुलमा बुधबार साँझ भएका दुई विस्फोटपछि काबुलमाथि कालो धुवाँको मुस्लो उठेको देखिएको एएफपीका पत्रकारहरूले बताएका छन्।