सामग्री खोज्नुहोस्

एजेन्सी । पाकिस्तानमा पछिल्ला ३ महिनामा हिंसा र आतङ्कवादी आक्रमण तीव्र बन्दै गएपछि कम्तीमा ९०१ जनाको मृत्यु भएको छ।

ईस्लामाबादस्थित सेन्टर फर रिसर्च एन्ड सेक्युरिटी स्टडिज (सीआरएसएस)को प्रतिवेदन अनुसार जुलाईदेखि सेप्टेम्बरसम्म ३२९ घटनामा ९०१ जनाको मृत्यु र ५९९ जना घाइते भएका छन्, जुन अघिल्लो अवधिको तुलनामा ४६ प्रतिशत बढी हो ।

यस वर्ष अहिलेसम्म २ हजार ४१४ जनाको मृत्यु भइसकेको छ, जसले २०२५ लाई एक दशकको सबैभन्दा घातक वर्ष बन्न सक्ने संकेत दिएको छ।

खैबर पख्तुनख्वा र बलुचिस्तानमा सबैभन्दा बढी क्षति पुगेको छ- केपीमा ६३८ र बलुचिस्तानमा २३० जनाको मृत्यु भएको छ।

प्रतिवेदनका अनुसार आधाभन्दा बढी मृत्यु सेना र सुरक्षाकर्मीको कारबाहीबाट भएका छन्, जबकि नागरिक मृतकहरूको संख्या पनि तीव्र रूपमा बढ्दो छ।

विशेषज्ञहरूले पाकिस्तानको सुरक्षा अवस्था लगातार बिग्रिँदै गएको र आगामी महिनाहरू अझ संवेदनशील हुन सक्ने चेतावनी दिएका छन् ।