सामग्री खोज्नुहोस्

एजेन्सी । पूर्वी भारतीय राज्य पश्चिम बङ्गालमा निरन्तरको वर्षाका कारण आएको पहिरोमा परी कम्तीमा २४ जनाको मृत्यु भएको छ । साथै अन्य धेरै घाइते भएका अधिकारीहरूले सोमबार बताएका छन् ।

पश्चिम बङ्गालको राजधानी कोलकाताबाट करिब ६२६ किलोमिटर उत्तरमा रहेको दार्जिलिङ सहरमा आइतबार पहिरो जाँदा घरहरू बगाएको थियो भने सडकहरू कटान हुनुका साथै गाउँहरू तहसनहस भएको जनाइएको छ ।

प्रकोपले व्यापक विनाश गर्नुका साथै हिमालयको फेदमा रहेको बस्तीका सयौं बासिन्दाका साथै पर्यटकहरू प्रभावित भएको जनाइएको छ ।

प्रकोपका कारण सूचना तथा सञ्चार सञ्जालहरू पनि बन्द भएको अधिकारीहरूले जनाएका छन् ।

अधिकारीहरूका अनुसार दार्जिलिङमा आइतबार भारी वर्षा हुँदा मिरिक र सुखिया पोखरीसहित धेरै क्षेत्रमा पहिरो गएपछि प्रहरी तथा विपद् व्यवस्थापन अधिकारीहरूले उद्धार अभियान शुरू गरेका थिए ।