सामग्री खोज्नुहोस्

एजेन्सी । बङ्गलादेशमा आइतबार डेंगु सङ्क्रमित नौ जनाको मृत्यु भएको छ । बङ्गलादेशमा यो वर्ष एकै दिनमा सबैभन्दा धेरै डेंगु सङ्क्रमितको मृत्यु भएको हो ।

यो वर्ष कुल डेंगु सङ्क्रमित मृतकको सङ्ख्या २१२ पुगेको स्वास्थ्य सेवा महानिर्देशनालयले जानकारी दिएको छ ।

तथ्याङ्कअनुसार बङ्गलादेशभर आइतबार यस वर्ष एकै दिनमा सबैभन्दा बढी डेंगु सङ्क्रमित उपचारका लागि भर्ना भएका छन् ।

स्थानीय समयअनुसार आइतबार बिहान ८ बजेसम्म पछिल्लो २४ घण्टामा अस्पताल भर्ना भएका डेंगु सङ्क्रमित बिरामीहरूको सङ्ख्या एक हजार ४२ रेकर्ड गरिएको छ ।

यससँगै यो वर्ष लामखुट्टेबाट सर्ने डेंगु रोगको कुल सङ्क्रमितहरूको सङ्ख्या ४९ हजार ९०७ पुगेको छ।​

डेंगुको थप फैलावटलाई रोक्नका लागि बङ्गलादेशी स्वास्थ्य अधिकारीहरूले लामखुट्टेको प्रजनन दर रोक्न र लार्भा नस्ट गर्ने अभियान सञ्चालन गर्न उपायहरू कडा पारेका छन्।

बङ्गलादेशमा सन् २०२३ मा डेंगुका कारण एक हजार ७०५ जनाको मृत्यु भएको थियो । यो पछिल्ला केही बर्षमा सबैभन्दा बढी वार्षिक मृत्यु सङ्ख्या हो।