सामग्री खोज्नुहोस्

टोकियो । उत्तरी जापानमा च्याउ टिप्ने क्रममा भालुले आक्रमण गरेपछि एक महिलाको मृत्यु भएको छ । थप एक जना बेपत्ता भएका प्रहरीले जनाएको छ ।​ 

हालसालैका वर्षहरूमा जापानमा आवासीय क्षेत्रहरूमा पनि घट्दो मानव जनसङ्ख्या र जलवायु परिवर्तन जस्ता कारण अधिक मात्रामा जङ्गली भालुहरू देखिएका छन् ।

महिलालाई भालुले आक्रमण गरेपछि स्थानीय तथा मिडियाले प्रहरीलाई रिपोर्ट गरेका र अझै मृत्युको कारणबारे अनुसन्धान गरिरहेको प्रहरीले जनाएको छ ।

मृतकको शरीरमा भएको चोटका आधारमा जनावरले आक्रमण पुष्टि भएको सार्वजनिक प्रसारणकर्ता एनएचकेले जनाएको छ ।

असाही सिम्बु दैनिकका अनुसार नागानो प्रान्तमा ७८ वर्षीय व्यक्तिको शव फेला परेको र मृत्यु भालुको आक्रमण बाट भएको प्रहरीले अनुमान गरेको रिपोर्ट गरेको छ ।

गत महिना, जापानले भालुको आक्रमणमा वृद्धि भएपछि निर्मित क्षेत्रहरूमा शिकारीहरूलाई राइफल प्रयोग गर्न सजिलो बनाउन हात हतियारसम्बन्धी नियमहरू सहज बनाएको थियो ।

एनएचकेका अनुसार भालुको आक्रमणबाट राष्ट्रव्यापी रूपमा ६९ जना घाइते भएका थिए, जस मध्ये पाँच जनाको यस वर्षको अप्रिल र अगस्टको बीचमा मृत्यु भएको थियो ।

सरकारी तथ्याङ्कले गत वर्षमा भालुले ८५ जनालाई आक्रमण गरेको र तीन जनाको मृत्यु भएको देखाएको छ ।

यसै गरी अघिल्लो वर्ष भालुले २१९ जनालाई आक्रमण गर्दा ६ जनाको मृत्यु भएको जनाइएको छ ।