सामग्री खोज्नुहोस्

एजेन्सी । तेलअभिवको अन्तर्राष्ट्रिय आलोचनाबीच इजरायलले गाजा सिटीमा आक्रमण शुरू गरेको छ। यससँगै प्यालेस्टिनी​हरू ठूलो संख्यामा गाजाको सबैभन्दा ठूलो शहरी क्षेत्रबाट पलायन भएका छन्।

गत सातादेखि तीव्र हवाई आक्रमण र उच्च भवनहरू ध्वस्त पारेपछि शुरू गरिएको यस आक्रमणलाई प्रधानमन्त्री बेन्जामिन नेतन्याहुले युद्धको ‘महत्त्वपूर्ण चरण’ भन्दै हमासको अन्तिम गढ तोड्ने प्रयासका रूपमा चित्रण गरेका छन्।

संयुक्त राष्ट्रसंघले यस आक्रमणले गाजामा भइरहेको मानवीय सङ्कटलाई झनै गहिरो बनाउने चेतावनी दिएको सीएनएनले लेखेको छ ।

करिब १० लाख मानिस गाजा सिटी वरपर बसोबास गर्छन्, तर इजरायली सेनाका अनुसार हालसम्म केवल करिब ४० प्रतिशत मात्रै त्यहाँबाट निस्किएका छन्।

रक्षामन्त्री इजरायल काट्जले ‘गाजा जलिरहेको छ’ भन्दै सेनाले आतंकवादी संरचनामा प्रहार गरिरहेको र हमासविरुद्ध निर्णायक कदम चालिरहेको बताएका छन् ।