Kyodai News

अ

अ+

अ-

एजेन्सी । नाइजेरियाको उत्तर–मध्य क्षेत्रको नाइजर राज्यमा डुंगा पल्टिँदा कम्तीमा ६० जनाको मृत्यु भएको छ । अन्य दर्जनौं मानिसको उद्धार गरिएको स्थानीय अधिकारीहरूले बताएका छन् ।

बोर्गु स्थानीय प्रशासनका अध्यक्ष अब्दुल्लाही बाबा अरा अनुसार, ‘डुंगा दुर्घटनामा मृत्यु हुनेको संख्या ६० पुगेको छ र यो संख्या अझै बढ्न सक्नेछ ।

दुर्घटनामा गम्भीर घाइते १० जना रहेका छन् भने धेरै जना अझै हराइरहेका छन् ।

नाइजर राज्य आपत्कालीन व्यवस्थापन निकायका अनुसार, उद्धारकर्मीहरू र स्थानीय गोताखोरहरू हराइरहेका व्यक्तिहरूको खोजीमा खटिएका छन् ।

दुर्घटना मंगलवार बिहान ११ बजे (स्थानीय समय) गाउसावा समुदाय नजिकै भएको हो, जब अधिक भार भएका डुंगा रूखको ठुटोमा ठोक्किएर पल्टिएको थियो ।

डुंगामा १०० भन्दा बढी मानिस सवार थिए ।