सामग्री खोज्नुहोस्

टोकियो । जापानमा गत जुलाईमा भएको माथिल्लो सदनको चुनावमा निश्चित उम्मेदवारलाई मतदान गरेबापत नगद पुरस्कार दिने वाचा गरेको आरोपमा प्रहरीले ६ जनालाई पक्राउ गरेको छ । प्रहरीले टोकियोस्थित पाचिन्को पिनबोल पार्लर सञ्चालन गर्ने कम्पनीका उनीहरूलाई पक्राउ गरेको हो ।

पक्राउ परेकामध्ये ५० वर्षीय दक्षिण कोरियाली नागरिक कम्पनीका अध्यक्षसमेत हुन् । 

टोकियो महानगर प्रहरी विभागसहित ८ वटा प्रिफेक्चरका प्रहरी विभागहरूको संयुक्त अनुसन्धान मुख्यालयले पक्राउ गरेका अन्य पाँच मध्येमा कम्पनी ‘दे रुपारा’ का ४६ वर्षीय मार्केटिङ विभाग प्रमुख काजुयुकी युआसा र ४४ वर्षीय व्यवस्थापन विभाग प्रमुख तोमोयुकी कोनिशी पनि छन्।

पक्राउ परेकाहरूले जुलाईको शुरूदेखि मध्यतिरसम्म करिब ६० जनालाई—जसमा पाचिन्को हलका कर्मचारीहरू समेत परेका छन् ।

मतदान गर्न लगाउने सर्तमा प्रति व्यक्ति ३ हजार जापानी येन दिने आश्वासन दिएको शंका गरिएको जापान टाइम्सले जनाएको छ ।

उनीहरूको यस्तो कार्यले राजनीतिक कोष नियन्त्रणसम्बन्धी कानून उल्लङ्घन गरेको प्रहरीले जनाएको छ।