सामग्री खोज्नुहोस्

एजेन्सी । अमेरिकाको विदेश मन्त्रालयले विभिन्न कानून उल्लंघन र ओभरस्टेका कारण ६ हजारभन्दा बढी अन्तर्राष्ट्रिय विद्यार्थी भिसा खारेज गरेको जनाएको छ ।

बीबीसीलाई दिएको जानकारीअनुसार, खारेज गरिएका भिसामध्ये करिब ४ हजार विद्यार्थीले अमेरिकामा बस्दा कानून उल्लंघन गरेका थिए ।

तीमध्ये अधिकांश घटनामा आक्रमण, मादक पदार्थ सेवन गरी गाडी चलाउने, चोरी र ‘आतंकवादको समर्थन’जस्ता अपराध समावेश छन् ।

अमेरिकी प्रशासनले ‘आतंकवादको समर्थन’ भन्नाले के बुझिन्छ भन्ने प्रस्ट्याएको छैन ।

तर ट्रम्प प्रशासनले फिलिस्तीन पक्षमा प्रदर्शन गर्ने केही विद्यार्थीलाई लक्षित गर्दै उनीहरूले यहूदीविरोधी गतिविधि गरेको आरोप लगाउँदै कारबाही गरेको बताइएको छ ।

विदेश मन्त्रालयका अनुसार २००–३०० विद्यार्थी भिसा INA 3B अन्तर्गत आतंकवादसम्बन्धी प्रावधानमा खारेज गरिएको हो ।

यस प्रावधानले ‘मानव जीवनलाई खतरामा पार्ने वा अमेरिकी कानून उल्लंघन गर्ने गतिविधि’ लाई आतंकवादी गतिविधि मानेको छ ।