सामग्री खोज्नुहोस्

एजेन्सी । मलेसियामा उपभोक्ताहरू किनमेलका क्रममा कृत्रिम बुद्धिमत्ता (एआई) प्रयोग गर्न तीव्र रूपमा आकर्षित भइरहेका छन् ।

हालै सार्वजनिक ‘आद्येन खुद्रा प्रतिवेदन २०२५’ अनुसार, ५८ प्रतिशत मलेसियालीले किनमेल गर्दा एआईको सहारा लिन्छन्, जुन दर विश्वको औसत ३७ प्रतिशतभन्दा धेरै हो।

सर्वेक्षणका अनुसार, मलेसियाली उपभोक्ताहरू नयाँ बस्तुका बारेमा जानकारी लिन, सुझाव पाउन र निर्णय गर्न एआई प्रयोग गर्छन् । ७१ प्रतिशतले भोजन, लुगा र अन्य सामान छनोटमा यसले मद्दत गरेको बताएका छन् भने ६९ प्रतिशतले नयाँ सामग्री र ब्रान्ड चिन्न सहयोग पुर्‍याएको बताएका छन् ।

यस्तै, १८ प्रतिशतले आफूले कल्पना गरेको आदर्श बस्तुको सुझाव एआईबाट पाएको बताएका छन् । साथै, ६० प्रतिशत उपभोक्ताले भविष्यमा एआईमार्फत सिधै सामान खरिद गर्ने इच्छा व्यक्त गरेका छन् ।

प्रतिवेदनमा भनिएको छ, ‘हामी सहज प्रविधिबाट बुद्धिमान प्रविधितर्फ जाँदैछौं । निकट भविष्यमा एआई व्यक्तिगत किनमेल सहायकका रूपमा कार्य गर्नेछ- जसले लुगा मिलाउने, नयाँ सामग्री देखाउने र व्यक्तिगत सल्लाह दिने कार्य गर्नेछ।’