सामग्री खोज्नुहोस्

एजेन्सी । थाइल्याण्डमा आँधीका कारण ६ जनाको मृत्यु भएको छ ।

गत महिनादेखि उष्णकटिबन्धीय आँधी विफाले निम्त्याएको बाढी र पहिरोका कारण ६ जनाको मृत्यु हुनका साथै २ लाख ३० हजारभन्दा बढी मानिस प्रभावित भएका विपद् व्यवस्थापन अधिकारीहरूले जानकारी दिएका छन् ।

थाइल्याण्डको विपद् रोकथाम तथा न्यूनीकरण विभागका अनुसार जुलाई २१ देखि भएको भारी वर्षाका कारण १२ वटा प्रान्तमा बाढी आएको छ, जसमध्ये अधिकांश उत्तरी र मध्य क्षेत्रहरूमा परेको छ ।

आँधीको प्रभावलाई नजिकबाट निगरानी गरिरहेको तथा प्रभावितहरूलाई आवश्यक सहयोग गर्न प्रान्तहरूसँग समन्वय गरिरहेको एजेन्सीले सामाजिक सञ्जाल फेसबुकमार्फत जनाएको छ ।

सामाजिक सञ्जालमा राखिएका तस्वीरहरूमा बाढीले बासिन्दाहरू डुबानमा परेको र सडकहरूमा प्लास्टिकका डुङ्गाहरू प्रयोग गरेको देखाइएको छ ।

यद्यपि थाइल्याण्डको मौसम विभागले आगामी दिनमा वर्षा कम हुने अनुमान गरेको छ ।

यस अघि सन् २०११ मा थाइल्याण्डमा बाढीले ५०० भन्दा बढी मानिसहरूको ज्यान लिएको थियो भने लाखौं घरहरू क्षतिग्रस्त भएका थिए ।