Kyodai News

एजेन्सी । बङ्गलादेशको राजधानी ढाकास्थित मिलस्टोन स्कूल एन्ड कलेजको परिसरमा सोमबार चिनियाँ निर्मित एफ–७ बीजेआई लडाकु विमान खस्दा कम्तीमा २० जनाको मृत्यु भएको छ । मृतकमध्ये धेरैजसो विद्यार्थी रहेका छन् भने १०० भन्दा बढी घाइते भएका छन्।

विमान दिउँसो १ बजे प्रशिक्षण उडानमा निस्किएपछि केही समयमै दुर्घटना भएको हो। ८३ जना अझै अस्पतालमा उपचाररत छन्।

दुर्घटनापछि आगलागी भएको थियो भने उद्धारमा सेना र दमकलकर्मी खटिएका थिए।

सरकारले मंगलबारलाई राष्ट्रिय शोक दिवस घोषणा गरेको छ।

अन्तरिम प्रधानमन्त्री मुहम्मद युनुसले यो घटनालाई अपूरणीय क्षति भन्दै दुःख व्यक्त गरेका छन् । यो दुर्घटना पछिल्लो दशककै गम्भीर मानिएको छ।