सामग्री खोज्नुहोस्

टोकियो। टोकियो स्थित नेपाली दुतावास केही महिना भित्रै फराकिलो ठाउमा सर्ने भएको छ। गैर आवासीय नेपाली संघ जापानको १२ औं महाधिबेसनमा बोल्दै जापानका लागि नेपाली राजदुत डा. दुर्गा बहादुर सुबेदीले केही महिना भित्रै अहिलेको भन्दा ठुलो र फराकिलो ठाउमासर्न लागेको बताएका हुन्।

‘दुतावास सानो भयो भन्ने धेरैको गुनासो छ, अब यो गुनासोको पनि सम्बोधन गर्दैछौं’ राजदुत सुबेदीले भने ‘मेरो बल बुताको कुरा थिएन, तर अब डेढ महिना भित्रै ठुलो ठाउमा सार्छौं, नेपालको झण्डा टाढै बाट देखिने ठाउमा सार्छौं।’

यसै महिनाको अन्त्य सम्ममा नयाँ ठाउमा सर्ने तयारी भएपनि प्रशासनिक कामहरु बाँकी रहेकाले दुतावास सार्न थोरै ढिला भएको राजदुत सुबेदीले जानकारी दिए। ‘हामी यसै महिनाको अन्त्य सम्ममा दुतावास सार्ने तयारीमा थियौँ’ क्योदाई न्यूज संग टेलिफोनमा कुरा गर्दै राजदुत सुबेदीले भने ‘बजेट ब्यबस्थापन लगायत अरु प्रशासनिक कामहरु नसकिएकाले केही ढिला हुन पुगेको हो।’

दुतावास कुन ठाउमा सर्ने भन्ने कुरा भने उनले खुलाउन चाहेनन्। ‘त्यो सबै सरेपछि एकैपटक जानकारी गराउने हो’ उनले भने ‘यति कुरा चाहिं प्रष्ट हो कि हामी केही दिन भित्रै नयाँ ठाउँ जहाँ सबै नागरिकलाइ पायक पर्छ त्यहाँ सर्दैछौँ।