सामग्री खोज्नुहोस्

टोकियो। गैरआवासिय नेपाली संघ जापान अन्तरगतको नागोया क्षेत्रीय समन्वय परिषदको नया नेतृत्वका लागि निर्वाचन हुने भएको छ।

सर्बसम्मत नेतृत्व चयन गर्ने प्रयास असफल भएपछि निर्वाचन मार्फत नया कार्यसमितिको चयन गर्न लागिएको निर्वाचन समितिले जनाएको छ।

निर्वाचन समितिले जारी गरेको सूचना अनुसार एक जना संयोजक पदका लागि तीन जनाको उमेद्वारी परेको छ। प्रतिक कार्की (दलबहादुर), योमन देबन (राइ) र देबकुमार घिमिरेले संयोजक पदका लागि उमेद्वारी दर्ता गरेका हुन्।

त्यसैगरी उप संयोजक पदका लागि रुपेश पुन मगर, यमबहादुर पाइजा, विप्लब श्रेष्ठ, निर्मल राइ (सरकार), नबराज चापागाई र सुदिप घिमिरे गरी ६ जनाको उमेद्वारी परेको छ। निर्वाचन प्रक्रिया बाट तीन जना उप-संयोजक छानिने निर्वाचन समितिले जानकारी दियो। महिला उप-संयोजकमा भने निर्मला मिजारको मात्रै उमेद्वारी परेकाले उनी निर्बिरोध निर्वाचित भएकी छन्।

त्यसैगरी सचिब पदका लागि सागर थापा बगाले र भैरवप्रसाद अधिकारीको उमेद्वारी परेको छ। निर्वाचन प्रकिया बाट एक जना सचिब चयन गरिने निर्वाचन समितिले जनायो।

सह-सचिब पदमा भने सरोज बडाल र अनिल अधिकारी निर्बिरोध निर्वाचित भएका छन्। त्यसैगरी एक कोषाध्यक्ष पदका लागि दुइ जनाको उमेद्वारी दर्ता भएको छ। सह-कोषाध्यक्ष पदमा भने रमेश श्रेष्ठ (आरके) निर्बिरोध निर्वाचित भएका छन्।

एक युवा संयोजक पदका लागि नबराज पौडेल र कमनसिङ लामाको उमेद्वारी परेको छ। त्यस्तै १४ सदस्य पदका लागि २७ जनाको उमेद्वारी परेकोमा कमला बोहोरा मात्रै महिला सदस्यमा निर्बिरोध निर्वाचित भएकी छिन।

निर्बिरोध निर्वाचित भएकाहरु बाहेक अरु पदका लागि अर्को महिना चुनाबी प्रक्रिया मार्फत छिनोफानो गरिने निर्वाचन समितले जनाएको छ।