सामग्री खोज्नुहोस्

एजेन्सी । अमेरिकी राष्ट्रपति डोनाल्ड ट्रम्पले इजरायली प्रधानमन्त्री बेन्जामिन नेटन्याहूविरुद्ध भइरहेको भ्रष्टाचार मुद्दालाई लिएर असन्तुष्टि जनाएका छन् ।​

सामाजिक सञ्जाल ट्रुथमा लेख्दै ट्रम्पले भनेका छन्,  ‘संयुक्त राज्य अमेरिकाले इजरायलको सुरक्षा र समर्थनमा प्रति वर्ष अर्बौं डलर खर्च गर्छ, जुन अरू कुनै पनि राष्ट्रको तुलनामा धेरै बढी हो। हामी यसको पक्षमा उभिने छैनौं ।’ ​

इजरायलको एक अदालतले प्रधानमन्त्री नेटन्याहूलाई भ्रष्टाचार मुद्दामा बयान दिन समय मागिएको अनुरोध अस्वीकार गरेपछि ट्रम्पको यस्तो टिप्पणी आएको हो ।

अदालतले नेटन्याहूको अनुरोध पर्याप्त कारण नदिएको भन्दै अस्वीकार गरेको थियो। ​

ट्रम्पले आफ्नो पोस्टमार्फत इजरायललाई निरन्तर समर्थन जनाउँदै नेतन्याहूविरुद्धको मुद्दा र त्यसको प्रक्रियाप्रति असन्तुष्टि प्रकट गरेका छन्।