सामग्री खोज्नुहोस्

टोकियो। जापान सरकारले विदेशबाट जापान प्रवेश गर्ने बिदेशीहरुलाई क्षयरोगमुक्त प्रमाणपत्र पेश गर्न पर्ने नीति अबलम्बन गरेको छ।

जापानको अध्यागमन बिभागले दिएको जानकारी अनुसार फिलिपिन, भियतनाम, इन्डोनेसिया, नेपाल र म्यानमारका नागरिकहरु जापान प्रवेश गर्दै क्षयरोगमुक्त प्रमाणपत्र पेश गर्नपर्ने नीति लागु गर्न लागेको हो।

‘पहिलेनै जापान बसेर केही समयका लागि स्वदेश फर्केकाहरुले यो प्रमाणपत्र पेश गर्न पर्दैन’ अध्यागमन बिभागले क्योदाई न्यूजसंग भन्यो ‘तर जापान प्रवेशका लागि पहिलो पटक भिषा आबेदन दिनेहरुका हकमा भने क्षयरोगमुक्त प्रमाणपत्र अनिवार्य पेश गर्नपर्नेछ।’

सरकारी अधिकारीहरुका अनुसार लामो समय जापानमा बस्न अध्यागमनमा भिषा आबेदनका लागि निबेदन दिंदा क्षयरोगमुक्त प्रमाणपत्र अनिवार्य बुझाउन पर्ने व्यवस्था गर्न लागिएको हो।

नया नियम अनुसार जापान प्रवेशका लागि सिओइका लागि आबेदन दिने सबैले क्षयरोगमुक्त प्रमाणपत्र पेश गर्नुपर्नेछ। भिजिट भिषामा जापान प्रवेश गर्न चाहनेहरुले भने सम्बन्धित देशको दुतावासमा क्षयरोगमुक्त प्रमाणपत्र पेस गर्नुपर्ने अध्यागमनले जनाएको छ।

नेपालीहरुका हकमा यो नियम यसै महिनाको २३ तारिख देखि लागु हुने अध्यागमन बिभागको वेब साइटमा उल्लेख गरिएको छ।

यो नियम लागु भएपछी सिओइ आप्लाई गर्ने बेलामै क्षयरोगमुक्त प्रमाणपत्र अध्यागमन विभागमा अनिवार्य पेश गर्नुपर्ने अध्यागमन बिभागले जनाएको छ।