सामग्री खोज्नुहोस्

​एजेन्सी । भारतको अहमदाबादमा भएको विमान दुर्घटनामा ११ ए सिटमा रहेका बेलायती यात्रु जीवितै भेटिएका छन्। 

चालक दलका सदस्यसहित २४२ जना सवार एयर इन्डिया दुर्घटनामा एक जना व्यक्ति बाँचेको एक प्रहरी प्रमुखले भारतीय समाचार एजेन्सीलाई बताएका छन्।

अहमदाबादका प्रहरी आयुक्त जीएस मलिकले एएनआईलाई बताएअनुसार लन्डन जाने बोइङ ७८७-८ उडानमा ११ ए सिटमा रहेका एक जना बाँचेका हुन् । अधिकारीहरूले साझा गरेको उडान सूचीमा उल्लेख गरिएको सिट ब्रिटिस नागरिक विश्वशकुमार रमेश भएको बताइएको छ।​

लेस्टरमा रहेका उनका काका अजय भाल्गीले बीबीसीलाई बताएअनुसार रमेशले आफ्नो परिवारलाई फोन गरेर आफू ठीक रहेको बताएका थिए तर विमानमा रहेका उनका भाइ अजय कहाँ छन् भन्ने कुरा उनलाई थाहा छैन।

सामाजिक सञ्जालमा सेयर गरिएको भिडियोमा रमेश एम्बुलेन्सतिर हिँडिरहेको देखिन्छ, पृष्ठभूमिमा धुवाँ निस्किरहेको छ।

विमानमा १२ जना चालक दलका सदस्यसहित २४२ जना सवार थिए।

विमान दुर्घटनामा परी मृत्यु हुनेको संख्या २०४ पुगेको छ। अहमदाबादका प्रहरी अधिकारी जीएस मलिकले २०४ जनाको शव फेला परेको पुष्टि गरे। उनले दुर्घटनामा अन्य कोही व्यक्ति पनि बाँचेको हुनसक्ने बताए ।