सामग्री खोज्नुहोस्

एजेन्सी । २४२ यात्रु बोकेर लण्डन जाँदै गरेको एअर इण्डियाको विमान भारतको गुजरातस्थित अहमदाबादमा दुर्घटनामा परेको छ ।​

विमान टेकअफकै क्रममा अहमदाबादको मेघानी क्षेत्रनजिकै दुर्घटनामा परेको हो ।​

भारतीय सञ्चारमाध्यमका अनुसार ​टेकअफका क्रममा विमानको पछिल्लो भाग रनवे छेउको रुखमा ठोक्किँदा सन्तुलन गुमाएर विमान दुर्घटनामा परेको हो । 

दुर्घटनामा परेको विमानमा भारत, बेलायत, क्यानडा र पोर्चुगललगायतका नागरिक सवार रहेको बताइएको छ ।​ 

एयर इन्डियाका अनुसार १६९ जना भारतीय नागरिक, ५३ जना बेलायती, १ जना क्यानाडाली र ७ जना पोर्चुगिज नागरिक रहेका छन् ।​

फ्लाइट राडार२४ का अनुसार विमान बिहीबार बिहान ९:५० बजे अहमदाबादको सरदार वल्लभभाई पटेल अन्तर्राष्ट्रिय विमानस्थलबाट उडेको थियो भने १०:०८ बजे ६२५ फिटको उचाइमा पुग्दा त्यसको सिग्नल हराएको थियो।​