सामग्री खोज्नुहोस्

एजेन्सी । प्यालेस्टिनी शिक्षा मन्त्रालयले गाजा पट्टी र वेस्ट बैङ्कमा इजरायली आक्रमण शुरू भएदेखि १६ हजार ३८२ विद्यार्थी मृत्यु हुनुका साथै २५ हजार ९५९ जना घाइते भएको जनाएको छ ।

मन्त्रालयले मङ्गलबार विज्ञप्ति जारी गरी घटनाको पुष्टि गरेको हो ।

मन्त्रालयले इजरायली आक्रमणमा ९१७ जना शिक्षक तथा प्रशासकहरू शहीद भएको तथा  वेस्ट बैङ्कमा चार हजार ३४७ जना घाइते भएको र १९६ भन्दा बढीलाई हिरासतमा राखिएको  जनाएको छ ।​

गाजाका ४४३ वटा  सरकारी विद्यालय, विश्वविद्यालय र तिनीहरूसँग सम्बद्ध भवनहरू तथा संयुक्त राष्ट्र राहत र कार्य एजेन्सी (युएनआरडब्लुए)सँग सम्बद्ध ९१ वटा विद्यालयहरूमा बम प्रहार गरी तोडफोड भएको उल्लेख गरिएको छ ।

वेस्ट बैङ्कामा १५२ वटा विद्यालय र आठ वटा विश्वविद्यालयमा छापा मारेर तोडफोड गरिएको जनाइएको छ ।  ​

जेरुसेलमका छ वटा युएनआरडब्लुए सँग सम्बद्ध स्कूल मे –८ देखि बन्द रहेको जनाइएको छ ।