सामग्री खोज्नुहोस्

एजेन्सी । बैंगलोरको चिन्नास्वामी स्टेडियमबाहिर भागदौड मच्चिँदा कम्तीमा ११ जनाको मृत्यु भएको छ ।​

इन्डियन प्रिमियर लिग (आईपीएल) क्रिकेट टोलीको विजय उत्सव मनाउने क्रममा बुधबार भागदौड मच्चिँदा कम्तीमा ११ जनाको मृत्यु भएको भारतीय सञ्चार माध्यमहरूले जनाएका छन् ।

रोयल च्यालेन्जर्स बैंगलोर (आरसीबी) आईपीएल विजेता बनेको थियो ।

कर्नाटकका उपमुख्यमन्त्री डीके शिवकुमारले मृतकहरूको सङ्ख्या तत्काल पुष्टि गर्न नसकेको बताउँदै सबैलाई धैर्य र संयम अपनाउन अनुरोध गरेका छन् । उनले मृतकप्रति श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना व्यक्त गरे ।

घटना स्थलमा लाखौं मानिसहरूको भीड भएको थियो र प्रहरीले स्थिति नियन्त्रणमा राख्न निकै प्रयास गरेको थियो । केही मानिसहरू अत्यधिक भिडका कारण बेहोस भएका थिए भने घाइतेहरूलाई अस्पतालमा उपचार भइरहेको छ ।​

उपमुख्यमन्त्री शिवकुमारले सबैमा शान्त रहन र सहयोग गर्न अपिल गरेका छन् ।