सामग्री खोज्नुहोस्

एजेन्सी । कतारले अमेरिकालाई ४० करोड डलर मूल्यको बोइङ ७४७–८ विमान उपहार दिएको छ।

राष्ट्रपति डोनाल्ड ट्रम्पले नयाँ विमान नआउँदासम्म यसलाई अस्थायी एयर फोर्स वनका रूपमा प्रयोग गरिने बताएका छन्।

ट्रम्पले उपहार स्वीकार्दा करोडौं डलर बचत हुने र त्यो रकम अमेरिकालाई ‘पुनः महान् बनाउन’ प्रयोग हुने जिकिर गरे। ‘उपहार नस्वीकार्नु मूर्खता हो’, उनले सामाजिक सञ्जालमा लेखेका छन् ।

ह्वाइट हाउसले कानूनी प्रक्रिया पूरा गरेर विमान स्वीकार गरिने जनाएको छ। तर, डेमोक्र्याटिक पार्टी र केही अमेरिकीले यो निर्णयको सामाजिक सञ्जालमार्फत आलोचना गरेका छन्। 

द हिलका अनुसार कतारको शाही परिवारले संयुक्त राज्य अमेरिकालाई उपहारको रूपमा प्रस्ताव गरेको विमानको मूल्य ४० करोड अमेरिकी डलर अनुमान गरिएको छ ।

अमेरिकी राष्ट्रपतिले कतारबाट उपहारस्वरूप बोइङ विमान स्वीकार गर्ने समाचारपछि विपक्षी डेमोक्र्याटिक पार्टी र अमेरिकी समुदायबाट सामाजिक सञ्जालमार्फत उक्त निर्णयप्रति आश्चर्य व्यक्त गर्दै निर्णयको आलोचना गरेका छन् ।