सामग्री खोज्नुहोस्

एजेन्सी । भारत र पाकिस्तान सबै सैन्य कारबाही तत्काल रोक्ने सहमतिमा पुगेका छन्।

भारतीय विदेश सचिव विक्रम मिश्रीका अनुसार दुबै देशका डीजीएमओबीच भएको फोन वार्तापछि स्थल, समुद्र र हवाई क्षेत्रमा साँझ ५ बजेबाट लागू हुनेगरी युद्धविराममा सहमति भएको हो।

दुवै देशका सम्बन्धित निकायलाई समझदारी कार्यान्वयन गर्न निर्देशन दिइएको छ।

मे १२ को मध्यान्हमा अर्को चरणको वार्ता हुने जानकारी दिइएको छ।

पाकिस्तानका उपप्रधानमन्त्री तथा विदेशमन्त्री इशाक डारले पनि युद्धविरामको पुष्टि गर्दै शान्ति र सुरक्षाका लागि पाकिस्तान प्रतिवद्ध रहेको बताए।

अमेरिकी विदेशमन्त्री मार्को रुबियोले भारत–पाकिस्तानका वरिष्ठ नेतासँग भएको सम्वादपछि दुबै पक्ष युद्धविराम र तटस्थ स्थलमा वार्ता गर्न तयार भएको बताए।

गत मे २ मा भएको आतङ्कवादी हमलाको जवाफमा भारतले मे ७ मा ‘अपरेशन सिन्दूर’ चलाएको थियो। त्यसपछि पाकिस्तानले पनि जवाफी कारबाही गरेको थियो।