सामग्री खोज्नुहोस्

एजेन्सी । डोमिनिकन रिपब्लिकको राजधानी सान्तो डोमिङ्गोस्थित जेट सेट नाइट क्लबको बिहान छत खस्दा कम्तीमा २७ जनाको मृत्यु भएको छ । अन्य १५० भन्दा बढी घाइते भएका छन् ।

घटनास्थलमा उद्धार कार्य तीव्र रूपमा चलिरहेको छ । चार सयभन्दा बढी उद्धारकर्मी र दर्जनौं एम्बुलेन्सहरू घाइतेहरूको उद्धारमा संलग्न छन् ।

प्रसिद्ध डोमिनिकन मेरेंग गायक रुबी पेरेज स्टेजमा प्रदर्शन गरिरहेका बेला अचानक अँध्यारो भयो र त्यही समयमा क्लबको छत खस्दा थाल्यो । दुर्घटना हुँदा क्लबमा ५०० देखि एक हजार जनासम्म मानिस थिए । 

राष्ट्रपति लुइस अबिनाडेरले उद्धार कार्यलाई प्राथमिकता दिन घटनास्थलको अनुगमन गरे ।

आपतकालीन अपरेसन केन्द्र (सीओई)का निर्देशक जोआन मैनुअल मन्डेजले घटनामा २७ जनाको मृत्यु भएको पुष्टि गरे ।

एम्बुलेन्सले १५० भन्दा बढी घाइतेहरूलाई अस्पताल पुर्‍याएको उनले बताए ।