सामग्री खोज्नुहोस्

एजेन्सी । बेलायत सरकारले भिसा ठगीविरुद्ध सचेतना जगाउन ‘भिसा फ्रड टन बचाओ’ नामक अभियान शुरू गरेको छ ।

बेलायत यात्रा गर्ने मानिसहरूलाई तथ्यहरू जाँच्न र सुरक्षित रहन प्रोत्साहित गर्दै सरकारले उक्त अभियान शुरू गरेको हो । 

‘अभियानले भिसा घोटाला रणनीतिहरूको बारेमा जागरूकता जगाउनेछ । साथै, अभियानले मानिसहरूलाई शोषण, आर्थिक क्षति र भावनात्मक सङ्कटबाट जोगाउन मद्दत गर्नेछ । यसले बेलायत भ्रमण गर्नेहरूलाई तथ्यहरू जाँच्न र सुरक्षित रहन प्रोत्साहित गर्दछ’, अभियानको शुरू गर्ने क्रममा भनियो ।

बेलायत सरकारले नागरिकहरूलाई भिसा जालसाजी, आर्थिक र भावनात्मक जोखिमहरूबाट आफूलाई जोगाउन मद्दत गर्न फेब्रुअरी २७ मा ’भिसा फ्रड तोन बचाओ’ अभियान शुरू गरेको थियो ।

‘भिसा जालसाजीले मानिसहरूलाई शारीरिक हानि र शोषणको जोखिममा राख्छ । भिसा जालसाजी गरेको पाइएमा बेलायतको यात्रामा १० वर्षको प्रतिबन्ध लाग्न सक्छ । उक्त अभियानले अनियमित आप्रवासन र भिसा जालसाजीविरुद्धको लडाइलाई प्रतिनिधित्व गर्दछ’, उच्चायोगको विज्ञप्तिमा भनिएको छ ।