सामग्री खोज्नुहोस्

काठमाडौं । जापानले ‘नेपाल–जापान सेवा आदान–प्रदान कार्यक्रम’ अन्तर्गत २० हजार नेपाली केयरगिभर लैजाने भएको छ।

सोमबार काठमाडौंमा आयोजित कार्यक्रममा नेपाल र जापानका कम्पनीहरूले समझदारीपत्रमा हस्ताक्षर गरेका छन्।

जापानको जेन्काउ रिसर्च इन्स्टिच्युट, कोजाई कोसन कर्पोरेसन, प्रोग्रेसिभ स्टाफ एजेन्सी तथा नेपालका काठमाडौं विश्वविद्यालय स्कुल अफ मेडिकल साइन्स, सन एन्ड कम्पनी प्रालि र सान्दिपनी ग्रुप अफ एजुकेसन सहभागी भएका छन्।  ​

सन्दिपनी ग्रुप अफ कम्पनीका कार्यकारी निर्देशक नरेश ओझाका अनुसार स्वास्थ्य सेवामा आवश्यक जनशक्ति पूर्तिका लागि यो अवसर सिर्जना गरिएको हो।

१८ देखि ४५ वर्षसम्मका व्यक्तिहरू जापानको केयर गिभिङ क्षेत्रमा जान योग्य हुनेछन्।

नर्सिङ अध्ययन आवश्यक नपर्ने भए पनि जापानी भाषाको एन–फोर स्तर उत्तीर्ण गरी तोकिएको सीप परीक्षण पास गर्नुपर्नेछ।