सामग्री खोज्नुहोस्

टोकियो । जापानका विभिन्न क्षेत्रमा हिउँ र हावा तीव्र बन्दै गएका छन्।  

मौसम विज्ञान निकायका अनुसार यो सिजनकै सबैभन्दा चिसो हावाको प्रवाहका कारण व्यापक हिमपात भइरहेको छ।  

बिहीबार बिहान ४ बजेभित्र तीन घण्टामा गिफु प्रिफेक्चरको गूजो सिटी, निगाता प्रिफेक्चरको युजावा टाउनमा १६ सेन्टिमिटर र गुनमा प्रिफेक्चरको मिनाकामी टाउनमा १५ सेन्टिमिटर हिउँ परेको छ।  

निगाताको त्सुनान टाउनमा २.९१ मिटर, यामागाताको निशिकावा टाउनमा २.८९ मिटर र फुकुशिमाको तडामी टाउनमा २.५३ मिटर हिउँ जमिसकेको छ।  

जापान सागर तटीय क्षेत्रहरूमा हावाको वेग बढेको छ। केही स्थानमा हिम आँधीसमेत आएको एनएचकेले जनाएको छ ।

जापान सागर तटसँगै उत्तरीदेखि पश्चिमी जापानका क्षेत्रमा भारी हिमपातको सम्भावना छ। प्रशान्त महासागर तटका समथर स्थानहरूमा पनि हिउँ जम्ने पूर्वानुमान गरिएको छ।