Kyodai News

एजेन्सी । अमेरिकामा यात्रुवाहक विमान र हेलिकप्टर आपसमा ठोक्किँदा विमान नदीमा खस्ने दुर्घटना भएको छ। स्थानीय समयअनुसार बुधबार बिहान भएको उक्त दुर्घटनामा केही यात्रु घाइते भएका छन् भने उद्धार कार्य जारी रहेको अधिकारीहरूले बताएका छन्।

प्रत्यक्षदर्शीका अनुसार विमान र हेलिकप्टर आकाशमै ठोक्किएपछि विमान सीधै नदीमा खसेको थियो। दुर्घटनाको कारणबारे प्रारम्भिक अनुसन्धान थालिएको छ।

यात्रुवाहक विमानसँग ठोक्किएको हेलिकप्टरमा ३ जना सैनिक सवार थिए । उनीहरू चालक दलकै सदस्य रहेको सीएनएनले जनाएको छ । विमानमा ६० यात्रु र ४ जना चालक दलका सदस्य थिए ।

स्थानीय उद्धार टोली, दमकल र प्रहरी दुर्घटनास्थलमा खटिएका छन्। दुर्घटनामा परेका यात्रुहरूको स्वास्थ्य अवस्थाबारे थप विवरण आउन बाँकी छ ।